काठमाडौं । एएफसी यू–१६ महिला च्याम्पियनसिप छनोटमा अन्तर्गत समुह चरणको दोस्रो खेलमा म्यानमारले नेपालको पोस्टमा गोल बर्षा गरेको छ । पहिलो हाफको खेल सकिदाँ नेपालको पोस्टमा म्यानमारले १० गोल गरेको छ ।
काठमाडौंको हलचोकस्थित एपीएफको मैदानमा सुरुवाती ६ मिनेटमा ३ गोल गरेको म्यानमारले थप मिनेटमा ७ गोल गर्न सफल भयो । समूह चरणको पहिलो खेलमा फिलिपिन्ससंग पराजित भएको नेपालले दोस्रो खेलमा म्यानमारसंग प्रतिस्पर्धामा उत्रिएको हाे ।
अघिल्लो चरण प्रवेशको सम्भावना बलियो बनाउन नेपाललाई म्यानमारविरुद्धको खेल जित्नैपर्ने दबाब छ । नेपालले समूह चरणको अन्तिम खेलमा आईतबार मलेसियासंग प्रतिस्पर्धा गर्नेछ ।
समूहको शीर्ष दुई टोलीले अर्को बर्ष थाइल्याण्डमा हुने एएफसी यू–१६ महिला च्याम्पियनसिपको यात्रा तय गर्नेछन् । फाइनल चरणमा आठ टोलीले खेल्नेछन् । आयोजक थाइल्याण्डसहित, जापान दक्षिण कोरिया र उत्तर कोरिया फाइनल चरणको लागि छनोट भईसकेका छन् ।
