एजेन्सी । म्यान्चेष्टर सिटीका सर्वाधिक गोलकर्ता सर्जियो अग्युरोले क्लबसंगको सम्झौता नविकरण गरेका छन् । क्लबका ऐतिहासिक गोलकर्ता समत रहेका उनले सन् २०२१ सम्म क्लबमा बस्ने निर्णय गरेका हुन् । अग्युरोले गत नेभेम्बरमा इरिक ब्रोक्सको नाममा रहेको ७८ बर्षको सर्वाधिक गोलकर्ताको कीर्तिमान तोडेका थिए ।
अग्युरोले सिटीसंग एक बर्षको सम्झौता नविकरण गरेका हुन् । नयाँ सम्झौता अनुसार उनले साप्ताहिक २ लाख २ हजार पाउण्ड बुझ्नेछन् । अजेन्टिनाका अन्तराष्ट्रिय खेलाडी अग्युरोले सन् २०२१ सम्म ईतिहास स्टेडियममा बस्न राजी भएका हुन् ।
‘म १० बर्षकालागि भनेर यहाँ आएको थिए ।’ अग्युराले भने, ‘म यहाँ ७ बर्ष बसे । अब जहिले सम्झौता सकिने छ, त्यो बेला १० बर्ष पुगेको हुनेछ ।’
‘यो नै मुख्य कारण हो । म यहाँ निकै खुसी छु । क्लबले मलाई अहिले नि त्यही सम्मान दिएको छ । जुन सम्मान पहिलो दिन पाएको थिए ।’ उनले भने ।
अग्युरोले सन् २०११ म एट्लेटिको क्लबबाट प्रिमियर लिगमा आएका थिए । ३० बर्षिया स्ट्राईकरले म्यान्चेष्टर सिटीमा उत्कृष्ट प्रर्दशन गरिरहेका छन् । उनकै प्रेरणादायी प्रर्दशनका आधारमा सिटीले गत सिजन प्रिमियर लिगको उपाधि उचालेको थियो ।
