काठमाडौं । एएफसी यू-१६ महिला च्याम्पियनसिप छनोटमा नेपालले आज म्यानमारसंग प्रतिस्पर्धा गर्दैछ । समूह चरणको पहिलो खेलमा फिलिपिन्ससंग पराजित भएको नेपालले दोस्रो खेलमा म्यानमारसंग प्रतिस्पर्धा गर्न लागेको हो ।
खेल काठमाडौंको हलचोकस्थित एपीएफको मैदानमा अपरान्ह साढे ३ बजे सुरु हुनेछ । गत बुधबार भएको खेलमा नेपाल पहिलो खेलमा फिलिपिन्ससंग ४–० ले हारेको थियो ।
अघिल्लो चरण प्रवेशको सम्भावना बलियो बनाउन नेपाललाई म्यानमारविरुद्धको खेल जित्नैपर्ने दबाब छ । नेपालले समूह चरणको अन्तिम खेलमा आईतबार मलेसियासंग प्रतिस्पर्धा गर्नेछ ।
समूहको शीर्ष दुई टोलीले अर्को बर्ष थाइल्याण्डमा हुने एएफसी यू-१६ महिला च्याम्पियनसिपको यात्रा तय गर्नेछन् । फाइनल चरणमा आठ टोलीले खेल्नेछन् ।
आयोजक थाइल्याण्डसहित, जापान दक्षिण कोरिया र उत्तर कोरिया फाइनल चरणको लागि छनोट भईसकेका छन् ।
-1734966939.jpeg)
