काठमाण्डौं । ललित स्मृति यू - १८ फुटबल च्याम्पियनसिप अन्तर्गत आज भएको पहिलो खेलमा सरस्वती युथ क्लबले जित हासिल गरेको छ ।
एन्फा टेक्निकल सेन्टर सातदोबाटोमा भएको खेलमा सरस्वतीले मछिन्द्र फुटबल क्लबलाई २–० गोल अन्तरले पराजित गरेको हो ।
पहिलो हाफको अतिरिक्त समयमा सुबास कार्कीको हेड गोलबाट सुरुवाती अग्रता बनाएको सरस्वतीले ८० औं मिनेटमा गोल गर्दै जित निकालेको हो ।
पहिलो खेलमा पराजित सरस्वतीको यो पहिलो जित समेत हो । जितसँगै सरस्वतीले ३ अंक जोडेको छ । पराजित मछिन्द्रको पनि ३ खेलबाट ३ अंक रहेको छ ।
