काठमाडौं । टेष्ट राष्ट्र अफगानिस्तानका चर्चित स्पिनर राशिद खानले आगामी कार्तिकमा हुने पोखरा प्रिमियर लिग (पीपीएल) टी–ट्वान्टी क्रिकेट प्रतियोगिताको सफलताका लागि शुभकामना दिएका छन् ।
एसिया कप क्रिकेटको लागि युएईमा रहेका राशिदले एक भिडियो सन्देश पठाउदै प्रतियोगिताको लागि शुभकामना दिएका हुन् ।
'पारस र नेपाली क्रिकेट खेलाडीलाई पोखरा प्रिमियर लिगका लागि गुड लक भन्न चाहन्छु,' राशिदले भिडियोमा भनेका छन्, 'प्रतियोगिताको मज्जा लिनुहोला । शुभकामना ।'
क्विन्स इभेन्ट्स म्यानेजमेन्ट प्रालिको आयोजनामा हुने सर्वाधिक पुरस्कार राशीको हुने लिग कार्तिक ९ देखि २० सम्म संचालन हुनेछ ।
लिगमा एभरेष्ट प्रिमियर लिग र धनगढी प्रिमियर लिग खेल्ने ६ टोली र ३ नयाँ टोलीले यो प्रतियोगितामा सहभागिता जनाउने छन् ।
फ्रेन्चाइज बेसमा नेपालका प्रमुख सहरको स्वामित्वमा रहने टिमले खेलाडी अक्सनबाट छनोट गर्नेछन् । लिगमा दुई विदेशी खेलाडी रहनेछन् ।
राशिदले के भने ?
हेर्नुस भिडियो -
1711199972.jpeg)
