एजेन्सी । इन्ग्लिश प्रिमियर लिग फुटबलमा एभर्टन पराजित भएको छ । आइतबार राति भएको खेलमा एभर्टन वेष्ट ह्याम युनाइटेडसंग ३ - १ ले पराजित भएको हो ।
वेष्ट ह्यामले एभर्टनलाई उसैको मैदानमा पराजित गरेको हो । वेष्ट ह्यामका लागि आन्द्रिय यार्मोलेन्कोले दुई गोल गर्दा मार्को अर्नौटोविचले एक गोल गरे । एभर्टनका गिल्फी सिगुर्डसनले एक गोल फर्काए ।
योसंगै वेष्ट ह्यामले सिजनको पहिलो जित निकाल्न सफल भएको छ । अघिल्ला चार खेलमा पराजित वेष्ट ह्यामको ३ अंक छ । यस्तै एभर्टनको पाँच खेलबाट ६ अंक छ ।
प्रिमियर लिग अन्तर्गत नै आइतबार राति वुल्भ्सले बर्नलीलाई १ - ० ले हराएको छ । वुल्भ्सका राउल जेमिनिजले निर्णायक गोल गरे ।
-1734919437.jpg)
