एजेन्सी । बार्सिलोनाका स्टार स्ट्राइकर लियोनल मेस्सीलाई गोल मेसिनको रुपमा चिनिन्छन् । मेस्सीले खेलेका खेलमा गोल नगरेको घटना विरलै होला ।
मेस्सीले स्पेनिस ला लिगाका अधिकांस क्लबलाई धेरै गोल गरेर हैरान नै बनाउने गर्छन् । मेस्सीले स्पेनमा एट्लेटिको बिल्बाओ, रियल मड्रिड, एट्लेटिको मड्रिड र सेभियाविरुद्ध सर्वाधिक गोल गरेका छन् ।
मेस्सीले ला लिगा क्लबलाई मात्र हैन स्पेन बाहिरका क्लबलाई समेत धेरै गोल गरेका छन् । मेस्सीले आफ्नो करीयरमा सर्वाधिक धेरै पाँच गैर स्पेनिस क्लबविरुद्ध गोल गरेका छन् ।
मेस्सीले सर्वाधिक गोल गरेका स्पेन गैर–स्पेनिस क्लब :
१. आर्सनल
इन्ग्लिश क्लब आर्सनलविरुद्ध मेस्सीले ६ खेल खेलेका छन् । जसमा मेस्सीले ९ गोल गरेका छन । र, मेस्सीले सर्वाधिक गोल गर्ने स्पेन बाहिरको क्लबमा आर्सनल पहिलो नम्बर आउने गर्छ ।
मेस्सीले सन् २००९–१० को सिजन घरेलु मैदानमा लण्डन क्लब आर्सनलविरुद्ध सुपर ह्याट्रिक गोल गरेका थिए ।
२. एसी मिलान
इटालियन क्लब एसी मिलान फुटबल इतिहासमा ठुलो क्लबमध्ये एक हो । तर, मिलानविरुद्ध मेस्सीले आश्चर्यजनक नतिजा निकाल्दै सर्वाधिक गोल गर्न सफल भएका छन् ।
मिलानविरुद्ध मेस्सीले ८ खेल खेल्दै ८ गोल गरेका छन् । मिलानविरुद्ध मेस्सीले ४ गोलका लागि असिस्ट समेत गरेका छन । मिलानविरुद्ध मेस्सीले चार खेलमा जित समेत हासिल गरेको छ । यस क्लबविरुद्ध तीन पटक बराबरी खेल्दा मेस्सीले एक खेल मात्र गुमाउन पुगेका छन् ।
३. सेल्टिक
आइरिस क्लब सेल्टिक मेस्सीले सर्वाधिक गोल गरेको स्पेन बाहिरको क्लबमा तेस्रो स्थानमा रहेका छन् । मेस्सीले सेल्टिकविरुद्ध ६ खेल खेल्दा ८ गोल गरेका छन् । यस्तै एक गोलका लागि असिस्ट गरेका छन् ।
४–बायर लिभरकुसेन
जर्मन क्लब बायर लिभरकुसेन मेस्सीले धेरै गोल गरेको गैर स्पेनिस क्लबमध्ये चौथो नम्बरमा छन् । मेस्सोले लिभरकुसेनविरुद्ध ३ खेलमा ७ गोल गरेका छन् ।
मेस्सीले लिभरकुसेनविरुद्ध एकै खेलमा पाँच गोल गरेका छन् । जुन मेस्सी समर्थन वा लिभरकुसेन समर्थनले हतपत्त बिर्सन सक्दैनन् ।
५–म्यानचेस्टर सिटी
मेस्सीले सर्वाधिक धेरै गोल गरेको स्पेन बाहिरको क्लबमा इन्ग्लिश क्लब म्यानचेस्टर सिटी समेत हो । मेस्सीले सिटीविरुद्ध ६ गोल गरिसकेका छन् ।
मेस्सीले सिटीविरुद्ध युएईएफए च्याम्पियन्स लिगमा मात्रै ६ खेल खेलेका छन् । र, मेस्सीले सिटीविरुद्ध ६ खेलमा मेस्सीले ६ गोल गरे। उनले ६ गोलसँगै तीन गोलका लागि असिस्ट समेत गरेका थिए ।
मेस्सीले सन् २०१५ मा पेनाल्टीमा गोल गर्ने मौका गुमाएका थिए । उक्त पेनाल्टी गोल भएको भए मेस्सीको सिटीविरुद्ध ७ गोल हुने थियो ।
डेली टाइम्सबाट साभार
-1734919437.jpg)
