एजेन्सी । स्पेनिस ला लिगा फुटबलमा डिफेन्डिङ च्याम्पियन बार्सिलोनाले लगातार चौथो जित निकालेको छ ।
शनिबार भएको खेलमा रियल सोसिडाडलाई २ - १ ले हराएर बार्सिलोनाले अपराजित यात्रा कायम राखेको हो ।
रियल सोसिडाडको मैदानमा बार्सिलोनाले सुरुवाती अग्रता उल्टाएर जित निकालेको हो ।
बार्सिलोनाको जितमा लुइस स्वारेज र ओसुमाने डेम्बेलेले एक एक गोल गरे । सोसिडाडका आरिट्ज एलिसटोन्डोले एक गोल गरे ।
खेलको १२ औं मिनेटमा एलिसटोन्डोको गोलबाट सोसिडाडले सुरुवाती अग्रता बनाएको थियो । तर, दोस्रो हाफमा बार्सिलोना खेलमा फर्कियो । खेलको ६३ औं मिनेटमा स्वारेजले गोल गर्दै बार्सिलोनालाई खेलमा फर्काए । त्यसको ३ मिनेट नबित्दै ६६ औं मिनेटमा डेम्बेलेले गोल गर्दै बार्सिलोनालाई २ - १ को जित दिलाए ।
जितसंगै बार्सिलोनाले ४ खेलबाट १२ अंक जोडेको छ । बार्सिलोना शीर्ष स्थानमा यथावत रहेको छ । सोसिडाडको ४ खेलबाट ४ अंक छ ।
-1734919437.jpg)
-1734918317.jpg)
