एजेन्सी । इन्ग्लिश प्रिमियर लिग फुटबलमा आज (शनिबार) सात खेल हुँदैछ । करिब दुई साताको विश्रामपछि प्रिमियर लिगमा सात खेल हुन लागेको हो ।
दुई साताको विश्रामपछि खेलाडीहरु शनिबारबाट पुनः क्लब फुटबलमा फर्कदै छन् । दुई साताको विश्राममा युरोपियन मुलुकका खेलाडीले युईएफए नेसन्स कप खेलेका थिए ।
प्रिमियर लिग अन्तर्गत शनिबार बेलुका हुने पहिलो खेलमा टोटेनहम र लिभरपुलले प्रतिस्पर्धा गर्दैछन् । टोटेनहमको मैदानमा हुने खेल नेपाली समय अनुसार ५:१५ मा सुरु हुनेछ । लिगको चार खेलमा ४ जित निकालेको लिभरपुल शीर्ष स्थानमा रहेको छ । ९ अंक जोडेको टोटेनहम पाँचौ स्थानमा छ ।
प्रिमियर लिग अन्तर्गत नै बेलुका ७:४५ बजे पाँच खेल हुँदैछ । एकै समय हुने पाँच खेलमा म्यानचेस्टर सिटी र फुलहम, चेल्सी र कार्डिफ सिटी, न्युकासल र आर्सनल, बर्नेमाउथ र लेष्टर सिटी तथा हडर्सफिल्ड र क्रिष्टल प्यालेसले प्रतिस्पर्धा गर्नेछन् ।
यस्तै राति एक खेल हुँदैछ । राति १०:१५ बजे सुरु हुने खेलमा वाट्फोर्ड र म्यानचेस्टर युनाइटेडले प्रतिस्पर्धा गर्नेछन् ।
-1734919437.jpg)
-1734918317.jpg)
