एजेन्सी । फ्रान्सेली लिग वानमा पेरिस सेन्ट जर्मेनले सेन्ट एटिएनलाई ४–० गोल अन्तरले पराजित गरेको छ । मुख्य खेलाडी नेयमार र एम्बाप्पेबिनै मैदान उत्रिएको पीएसजीले फराकिलो अन्तरको जित निकालेको हो ।
पीएसजीको यो पाँचौ लगातार जित हो । खर्चिलो क्लब पीएसजीको जितमा ड्राक्सलर, काभानी, डि मारिया र माउसा डियाबीले समान एक एक गोल गरे ।
च्याम्पियन्स लिग फुटबलमा लिभरपुलविरुद्धको खेल अगाडी नेयमारलाई आराम दिईएको थियो भने एम्बाप्पे तीन खेलको प्रतिबन्धमा थिए । २२ औ मिनेटमा ड्राक्सलरको हेड गोलमार्फत अग्रतालाई काभानीले ५१ औ मिनेटमा पेनाल्टीमा गोल गर्दै दोब्बर पारेका थिए ।
डि मारियाले ७६ औ मिनेटमा गोल गर्दै पीएसजीलाई ३–० को स्थितीमा पु¥याएका थिए । माउसाले खेल सकिन ६ मिनेट अगाडी गोल गर्दै पीएसजीको जित निश्चित गरे ।
जितपछि पीएसजीले ५ खेलबाट १५ अंक जोडेको छ । सेन्ट एटिएन ६ अंक सहित १२ औ स्थानमा छ ।
-1734919437.jpg)
-1734918317.jpg)
