काठमाडौं । महिला साफ च्याम्पियनसिप फुटबलमा नेपाल समूह 'ए' मा परेको छ । बंगलादेशको ढाकामा बिहिबार सार्वजनिक गरिएको ड्रमा नेपाल समूह 'ए' मा परेको हो ।
नेपालको समूहमा बंगलादेश, भुटान र पाकिस्तान रहेको छ । ढाकामा जारी पुरुष साफमा समेत नेपाल समूह 'ए' मा रहेको थियो । नेपालको समूहमा यी तीनै टोली रहेको थियो । तर, नेपाल सेमिफाइनलमा माल्दिभ्ससंग पराजित भएको थियो ।
यस्तै महिला साफको समूह 'बि' मा भारत, माल्दिभ्स र श्रीलंका रहेको छ । समूह विजेता र उपविजेता टोलीले सेमिफाइनलमा स्थान बनाउने छन् ।
महिला साफ च्याम्पियनसिप आगामी १४ डिसेम्बर देखी २३ डिसेम्बरसम्म हुनेछ । महिला साफको खेल स्थल भने तय भएको छैन । सम्भवत नेपाल र श्रीलंकामध्ये एक राष्ट्रमा हुने बताईएको छ ।
यस्तै महिला साफको खेल तालिका भने सार्वजनिक गरिएको छैन ।
तस्विर -अमिनुल इस्लाम
-1734918317.jpg)
