काठमाडौं । नेपाल बंगलादेशमा जारी १२ औं संकरणको साफ च्याम्पियनसिप फुटबलको सेमिफाईनलमा प्रवेश गरेको छ ।
शनिबार भएको समूह चरणको अन्तिम खेलमा घरेलु टोली बंगलादेशलाई पराजित गर्दै नेपालले प्रतियोगिताको अन्तिम चारमा स्थान पक्का गरेको हो ।
जित्नैपर्ने खेलमा नेपालले बंगलादेशलाई २–० ले पराजित गर्यो । नेपालको जितमा पहिलो गोल विमल घर्तिमगरले गरेका थिए । खेलको ३३ औ मिनेटमा सुनिल वललाई बंगलादेश डिफेन्डर वाले फैजलले फाउल गरेपछि नेपालले झण्डै ३५ यार्डबाट पाएको किपरले गल्ति गर्दा सिधै गोलमा परिणत भएको थियो।
खेलमा नेपालको लागि दोस्रो गोल नवयुग श्रेष्ठले गरेका थिए। ६२औ मिनेटमा भरत खवासको स्थानमा मैदान प्रवेश गरेका नवयुगले ९०औ मिनेटमा विशाल राईले मिलाएको पासमा उत्कृष्ट गोल गर्दै नेपाललाई २ - ० को जित दिलाए ।
जितसंगै नेपाल ६ अंक जोड्दै समूह विजेताको रुपमा सेमिफाईनल प्रवेश गरेको छ । समान अक भएपनि पाकिस्तान गोल अन्तरका आधारमा उपविजेता बन्दै अन्तिम ४ मा प्रवेश गर्यो ।
गोल अन्तरकै आधारमा समान ६ अंक भएको बंगलादेश र कुनै गोल गर्न नसकेको भुटान प्रतियोगिताको समुह चरणबाटै बाहिरिए ।
यो जितसंगै नेपालले बंगलादेशविरुद्ध साफमा ह्याट्रिक जित निकालेका छन् । यसअघि नेपालले सन् २०११ को न्यु दिल्ली साफमा बंगलादेशलाई १ - ० ले हराएको थियो । त्यसपछि नेपालले घरेलु मैदानमा भएको सन् २०१३ को साफमा बंगलादेशलाई २ - ० ले हराएको थियो ।
-1734879364.jpg)
-1734875597.jpg)
