काठमाडौं । साफ च्याम्पियनसिप अन्तर्गत बंगलादेशविरुद्धको खेलका लागि नेपाली टोली होटलबाट मैदान प्रस्थान गरेका छन् ।
नेपाली टोली केहिबेर अघि होटलबाट मैदानतर्फ लागेका हुन् ।
नेपालले आज बेलुका पौने सात बजे बंगलादेशविरुद्ध प्रतिस्पर्धा गर्दैछ । नेपाललाई यो खेल निकै महत्वपूर्ण रहेको छ ।
नेपालले भुटानविरुद्ध खेलेका मध्ये दुई खेलाडी परिवर्तन गरेको हो । बंगलादेशविरुद्ध पनि गोलकिपर किरण चेम्जोङले कप्तानी सम्हाल्नेछन् ।
नेपालले अन्जन बिष्टको स्थानमा भरत खवास र विशाल राईको स्थानमा निराजन खड्कालाई टिममा राखेको छ । बंगलादेशविरुद्ध नियमित कप्तान विराज महर्जनलाई पहिलो रोजाईमा राखिएको छैन ।
सेमिफाइनलमा स्थान बनाउन नेपाललाई आजको खेल जित्नै पर्ने दबाबमा रहेको छ ।
मुख्य प्रशिक्षक बाल गोपाल महर्जनले नेपाली टोलीलाई ४-४ -२ को ढाँचामा खेलाडी मैदान उतार्ने छन् । नेपाल निलो जर्सीमा मैदान प्रवेश गर्नेछन् ।
हेर्नुस नेपालको प्लेईङ ११ -
गोलकिपर : किरण चेम्जोङ
डिफेन्डर : सुमन अर्याल, अनन्त तामाङ, आदित्य चौधरी, दिनेश राजवंशी
मिडफिल्डर : रोहित चन्द, निराजन खड्का, सुजल श्रेष्ठ, सुनिल बल
फरवार्ड : विमल घर्ति मगर,भरत खवास
-1734879364.jpg)
-1734875597.jpg)
