एजेन्सी । पोर्चुगिज फरवार्ड क्रिस्टियानो रोनाल्डोका लागि गोल गर्नु नौलो कुरा हैन । रोनाल्डो भन्नसाथ धेरैले गोल मेसिनको रुपमा सम्झने गर्छन् ।
धेरैलाई अचम्म लाग्न सक्छ, रोनाल्डो यति बेला गोलको खोजीमा छन् भन्दा । अचम्म नहोस् पनि कसरी ? आफ्नो पुस्ताका सुपरस्टार फुटबलर रोनाल्डोले गोल नगरेको लिग र खेल छैन ।
तर, सधै सोचेको जस्तो नहुन पनि सक्छ । रोनाल्डोको लागि इटालियन क्लब युभेन्ट्सको सुरुवाती खेल पनि सोचेजस्तो हुन सकेन । क्लब आएपछिको तीन खेल खेल्दा रोनाल्डोले गोल गर्न सकेका छैनन् । त्यसैले गोल मेसिन रोनाल्डोको यतिबेला थप चर्चा सुरु भएको छ ।
रोनाल्डोले कति औं खेलमा गोल गर्ला ? रोनाल्डोले गोल गर्ला कि नगर्ला ? जस्त प्रश्नहरु उठान थालेको छ । मोटो रकम १०५ मिलियनमा स्पेनिस क्लब रियल मड्रिडबाट टुरिन आएका रोनाल्डोमाथिको प्रश्न समेत जायज छ ।
इटालियन च्याम्पियन युभेन्टस आएपछि रोनाल्डोले तीन लिग खेलमा पुरै समय खेल्ने मौका पाए । तीनै खेलमा युभेन्टसले जित समेत निकाल्यो । तर, रोनाल्डोले आफ्नो डेब्यू गोल गर्न सकिरहेका छैनन् ।
नयाँ सिजनको उद्घाटन खेलमा युभेन्ट्सले किएभो भेरोनासँग खेलेको थियो । भेरोनाको घरेलु मैदानमा उत्रदा युभेन्ट्ससँगै रोनाल्डोका लागि सकारात्मक सुरुवात गर्ने मौका रहेको थियो । तर, रोनाल्डोको लागि उक्त खेल फापेन । त्यसपछि दुई खेलमा मैदान उत्रिएपनि रोनाल्डोले गोल गर सकेनन् ।
तीन खेलमा गोल गर्न नसकेपछि रोनाल्डोको खेल माथि प्रश्न उठ्न थालेको छ । त्यसो त गत सिजन रियलमा रहदा पनि रोनाल्डोमाथि प्रश्न उठेको थियो । रोनाल्डोले सुरुवाती खेलमा गोल गर्न सकेका थिएनन् र रियललाई जिताउन पनि असफल भएका थिए । तर, त्यहि सिजन रोनाल्डोले रियललाई च्याम्पियन्स लिगको उपाधि जिताउन सफल भएका थिए ।
रोनाल्डोले प्रतिनिधित्व गरेर खेलका क्लबका गोल सधै उत्कृष्ट ठहरिदै आएको छ । रोनाल्डो इन्ग्लिश क्लब म्यानचेस्टर युनाइटेड रहदै गोल गर्ने खेलाडीको रुपमा आफुलाई स्थापित गराउन सफल भएका थिए ।
युनाइटेडमा गरेको उच्च प्रदर्शनले नै रोनाल्डोलाई रियलले त्यसबेलाको कीर्तिमानी मुल्यमा क्लबमा अनुबन्ध गरेको थियो । रोनाल्डोले रियलमा रहदा पनि उत्कृष्ट खेल पस्किन सफल भए । रोनाल्डोले रियालमा गोलको कीर्तिमान नै बनाउन सफल भए । दुई महिनाअघि सम्पन्न रुस विश्वकपमा पनि रोनाल्डोले उत्कृष्ट गोल गर्न सफल भए ।
विश्वकप लगत्तै रोनाल्डो इटालियन क्लब युभेन्ट्स पुगेका थिए । तर, रोनाल्डोलाई पहिलो पटक युभेन्ट्स आएपछि गोलको खोजी गर्नु परेको छ । सुरुवाती खेलमा गोल गर्न नसकेपनि समर्थकहरुले रोनाल्डोले उत्कृष्ट प्रदर्शन गर्ने अपेक्षा गरेका छन् ।
-1734879364.jpg)
-1734875597.jpg)
