ढाका । बंगलादेशमा जारी साफ च्याम्पियनसिप अन्तर्गत माल्दिभ्स र श्रीलंकाले बराबरी खेल्दै अंक बाडेका छन् । समूह 'बि' अन्तर्गत शुक्रबार भएको समूह चरणको दोस्रो खेलमा माल्दिभ्स र श्रीलंकाले गोलरहित बराबरी खेलेका हुन् ।
बंगबन्धु रंगशालामा दुवै टोलीले पाएको मौका सदुपयोग गर्न नसक्दा खेल बराबरीमा सकिएको हो । प्रतिस्पर्धात्मक बनेको खेलमा माल्दिभ्सले बल पोजिसनमा पाका जमाएपनि श्रीलंकाविरुद्ध गोल गर्न सकेनन् ।
यस्तै खेलमा दुवै टोलीले गोल गरेपनि गोलको मान्यता पाउन नसक्दा खेल गोलबिहिन सकिएको हो । पहिलो हाफमा श्रीलंकाले गरेको एक गोल अफसाइड भएको थियो । यस्तै दोस्रो हाफमा अन्तिममा माल्दिभ्सले गरेको गोल अफसाइड गोल भएको थियो ।
यो बराबरीसंगै दुवै टोलीले १ - १ अंक पाएका छन् । र, दुवै टोलीले सेमिफाइनलमा पुग्ने सम्भावना कायम राखेका छन् ।
यो समूहमा साबिकको उपविजेता भारतले २ खेलबाट ३ अंक जोडेको छ । माल्दिभ्सले १ खेबबाट १ अंक जोडेको छ । श्रीलंकाले भने २ खेलबाट १ अंक जोडेको हो ।
-1734842793.webp)
