एजेन्सी । अष्ट्रेलियाका क्रिकेटर शेन वाटसनले क्रिकेट खेल जीवनबाट सन्यास घोषणा गरेका छन् ।
अष्ट्रेलियाका पूर्व अलराउण्डर वाटसनले मंगलबार खेल जीवनबाट सन्यास घोषणा गरेका हुन् ।
वाटसनले आफ्नो वेबसाइटमा एक भिडियो पोस्ट गर्दै सन्यास घोषणा गरेका हुन् ।
३९ वर्षीय वाटसनले युएईमा जारी १३ औं संस्करणको इन्डियन प्रिमियर लिग (आईपीएल) टी-ट्वान्टी क्रिकेट चेन्नई सुपर किङ्सबाट खेलेका थिए ।
तर, चेन्नई लिग चरणबाटै बाहिरिएको थियो । चेन्नई बाहिरिएसँगै वाटसनले सन्यास घोषणा गरेका हुन् ।
वाटसनले चेन्नईसँगै राजस्थान रोयल्स, रोयल च्यालेन्जर्स बैंगलोरबाट आईपीएल खेलेका छन् । उनले आईपीएलको १ सय ४५ खेलमा ३ हजार ८ सय ७४ रन बनाएका छन् । उनले ९२ विकेट समेत लिएका छन् ।
वाटसनले अन्तराष्ट्रिय क्रिकेट भने सन् २०१६ सन्यास लिएका थिए । तर, उनले फ्रेन्चाइज क्रिकेट भने खेल्दै आइरहेका थिए ।
विश्वकप विजेता वाटसनले अष्ट्रेलियाका लागि ५९ टेस्ट खेलेका थिए । यस्तै १ सय ९० एकदिवसीय र ५८ टी-ट्वान्टी अन्तराष्ट्रिय खेलेका थिए ।
-1736646447.jpg)
-1736609631.jpeg)
-1736605265.jpeg)
