काठमाडौँ । एसिया कप छनोट खेलमा नेपाल हङकङसँग ३ विकेटले पराजित भएको छ । पराजित भएसँगै नेपालको एसिया कपमा छनोट हुने सम्भावना सकिएको छ । ब्याटिङ तर्फ नेपालको खराव प्रर्दशन भएपनि बलिङ भने उत्कृष्ट गरेको छ ।
नेपाली बलरले सुरुमा ३ विकेट, पछिल्लो समय लगातार ४ विकेट लिएर केही आशा जगाएको भए पनि निकै झिनो लक्ष्य भएकाले त्यसले हङकङको जितका लागि कुनै असर गरेन ।
नेपालका लागि सन्दीप लामिछानेले मात्रै हङकङको ५ विकेट लिए । १० ओभरमा दुई मेडन सहित २७ रन मात्रै दिए । सागर पुनले १ र वसन्त रेग्मीले १ विकेट लिए । यसपटक पनि सन्दिपले उत्कृष्ट प्रदर्शन गर्न सफल भए ।
टस जितेर पहिले ब्याटिङ गरेको नेपालले ३७ अाेभर ५ बलमा सबै विकेट गुमाउदै ९५ रन मात्रै बनाएको थियो । ९६ रनको लक्ष्य हङकङले ३२ अाेभर ३ बलमा ७ विकेट गुमाएर पूरा र्गयो ।
नेपालका बलरहरुले हङकङलाई लक्ष्य भेटाउन निकै चुनौती दिए । निकै झिनो लक्ष्य भएका कारण नेपाल जितबाट बञ्चित बन्यो ।
1711199972.jpeg)
