एजेन्सी । प्रिमियर लिग क्लब चेल्सीका स्टार इडेन हजार्डले क्लबले लिग उपाधिमा चुनौती दिने बताएका छन् । गत शनिबार वर्नेमाउथविरुद्ध सहज जित निकालेसंगै हजार्डले चेल्सी प्रिमियर लिगमा उपाधिकालागि लड्ने प्रष्ट पारेका हुन् ।
गत शनिबार भएको खेलमा चेल्सीले वर्नेमाउथलाई २–० ले हराएको थियो । पेड्रोले दिलाएको अग्रतालाई हजार्डले दोब्बर पारेका थिए । सबैलाई आश्चार्यमा पार्दै चेल्सीले प्रिमियर लिगमा सफल सुरुवात गरेको छ ।
प्रशिक्षक माउरिजियो सर्रीको नेतृत्वमा चेल्सीले नयाँ सिजन सबै खेलमा जित निकालेको छ ।
‘लिगको अन्तिममा हामी विजेता बन्न चाहन्छौ । यो निकै कठिन छ । म्यान सिटी, लिभरपुल र टोटनहम निकै बलिया छन् । तर अन्तिममा हामी लिगको शीर्ष स्थानमा रहन चाहन्छौ ।’ उनले भने ।
‘हामीसंग अहिले विश्राम छ । जब हामी फर्कने छौ । त्यो समय निकै गाह्रो खेल हाम्रा अगाडी हुनेछ ।’ हजार्डले जोडे ।
हजार्डले नयाँ सिजनमा २ गोल गर्नुकासाथै दुई गोलकालागि अवसर समेत सिर्जना गरेका छन् ।
रुसी विश्वकपबाट ढिला गरि टिममा फर्किएपनि हजार्डले प्रशिक्षक सर्रीलाई प्रभावित बनाउन सफल भएका छन् ।
-1734842793.webp)
