एजेन्सी । युएईमा जारी १३ औं संस्करणको इन्डियन प्रिमियर लिग (आईपीएल) टी-ट्वान्टी क्रिकेटमा आज (मंगलबार) साविक विजेता मुम्बई इण्डियन्स र राजस्थान रोयल्सबीच प्रतिस्पर्धा हुँदैछ ।
अबुधाबीमा मुम्बई आफ्नो छैटौं खेलका लागि मैदान उत्रदा राजस्थान पाँचौ खेलका लागि मैदान उत्रनेछ । मुम्बई र राजस्थानबीचको खेल नेपाली समय अनुसार साँझ ७:४५ बजे सुरु हुनेछ ।
शेख जायद क्रिकेट स्टेडियममा मुम्बई चौंथो जितको खोजीमा हुनेछ । ४ खेलमा ३ जितसहित ६ अंक जोडेको मुम्बई दोस्रो स्थानमा रहेको छ ।
रोहित शर्माको कप्तानीमा मैदान उत्रने मुम्बई राजस्थानलाई हराएर शीर्ष स्थानमा समेत उक्लन चाहन्छ ।
यता, स्टिभ स्मिथको कप्तानीमा मैदान उत्रने राजस्थान भने तेस्रो जितको खोजीमा हुनेछ । बलियो मुम्बईलाई हराएर राजस्थान तेस्रो जित निकाल्न चाहन्छ ।
राजस्थान ४ खेलमा ४ अंक जोडेर पाँचौं स्थानमा रहेको छ ।
दुई टिमबीचको पछिल्लो पाँच भेटमा राजस्थान बलियो देखिएको छ । गत वर्ष भएको दुई भेटमा राजस्थान विजयी भएको थियो ।
गत वर्ष पहिलो खेलमा मुम्बईलाई राजस्थानले ४ विकेटले हराएको थियो । दोस्रो खेलमा राजस्थान ५ विकेटले विजयी भएको थियो ।
मुम्बईले राजस्थानविरुद्ध कप्तान रोहितसँगै क्विन्टन डी कक, केइरन पोलार्ड, हार्दिक पाण्डय, ट्रेन्ट बोल्ट, जस्प्रित बुम्राह लगायतका खेलाडी मैदान उतार्ने छन् ।
राजस्थानसँग कप्तान स्मिथ सहित डेभिड मिल्नर, जोफ्रा आर्चर, रोबिन उथप्पा, सन्जु सामसन, श्रेयस गोपाल लगायतका खेलाडीको साथ रहने छ ।
-1736609631.jpeg)
-1736605265.jpeg)
