एजेन्सी । इन्डियन प्रिमियर लिग (आईपीएल) क्रिकेटमा नेपाली लेग स्पिनर सन्दीप लामिछाने आबद्द दिल्ली क्यापिटल्सले अहिले रोयल च्यालेन्जर्स बैंगलोरसँग प्रतिस्पर्धा गर्दैछ ।
दुबई इन्टरनेसनल क्रिकेट स्टेडियममा दिल्लीले पहिले ब्याटिङ गर्ने भएको छ । बैंगलोरले टस जितेर फिल्डिङ रोजेपछि दिल्लीले ब्याटिङ गर्न लागेको हो ।
तर, सन्दीपले सिजनको पाँचौं खेल पनि खेल्ने छैनन् । दिल्लीले बैंगलोरविरुद्धको खेलका लागि सन्दीपलाई प्लेईङ सेटमा राखेको छैन ।
तेस्रो पटक आईपीएल खेलिरहेका सन्दीप लगातार पाँचौ खेलमा टिममा नपरेका हुन् ।
दिल्लीले चोट बोकेका अमित मिश्राको स्थानमा अक्षर पटेललाई मौका दिएको छ ।
आज दिल्ली चौंथो जितको खोजीमा रहेको छ । अघिल्ला ४ खेलमा ३ जितसहित ६ अंक जोडेर दिल्ली दोस्रो स्थानमा रहेको छ ।
यस्तै दिल्ली बैंगलोरलाई हराएर शीर्ष स्थानमा उक्लन चाहन्छ ।
बैंगलोर पनि चौंथो जितको खोजीमा रहेको छ । बैंगलोर ४ खेलमा ६ अंक जोडेर तेस्रो स्थानमा रहेको छ ।
दिल्लीलाई हराएर बैंगलोर पनि शीर्ष स्थानमा उक्लन चाहन्छ ।
-1736609631.jpeg)
-1736605265.jpeg)
