एजेन्सी । दिल्ली क्यापिटल्सका स्पिनर अमित मिश्राले युएईमा जारी १३ औं संस्करणको इन्डियन प्रिमियर लिग (आईपीएल) टी-ट्वान्टी क्रिकेट क्रिकेटका बाँकी खेल गुमाउने भएका छन् ।
हातको औलामा लागेको चोटका कारण भेट्रान स्पिनर अमितले आईपीएलका बाँकी खेल गुमाउने भएका हुन् ।
३७ वर्षीय अमितले कोलकत्ता नाइट राइडर्सविरुद्धको खेलमा चोट बोकेका थिए । सारजाहमा शनिबार भएको खेलमा दिल्लीले कोलकत्तालाई १८ रनले हराएको थियो ।
अमितले चोट बोकेसँगै दिल्लीको टिममा नेपाली लेग स्पिनर सन्दीप लामिछानेले मौका पाउने सम्भावना बढेको छ ।
लगातार तेस्रो वर्ष आईपीएल खेलिरहेका सन्दीप यस पटक भने बेन्चमै सिमित हुँदै आइरहेका छन् ।
दिल्लीले ४ खेल खेल्दा सन्दीपले मौका पाएका छैनन् ।
अमितको चोटले भने सन्दीपको प्लेइङ सेटमा पर्ने सम्भावना बढेको छ । तर, दिल्लीसँग अर्का स्पिनर अक्षर पटेल रहेका छन् ।
दिल्लीले सोमबार रोयल च्यालेन्जर्स बैंगलोरसँग खेल्दैछ ।
अघिल्ला ४ खेलमा ३ जितसहित ६ अंक जोडेर दिल्ली दोस्रो स्थानमा रहेको छ ।
-1736609631.jpeg)
-1736605265.jpeg)
