एजेन्सी । इङलिस प्रिमियर लिग फुटबलमा आज राति म्यान्चेष्टर युनाईटेडले वर्नलीसंग प्रतिस्पर्धा गर्दैछ ।
वर्नलीको घरेलु मैदानमा हुने खेल नेपाली समय अनुसार पौने ९ बजे सुरु हुनेछ । प्रिमियर लिगको खराब सुरुवातपछि म्यान यु दबाबमा छ ।
प्रशिक्षक जोसे माउरिन्होले समेत नयाँ सिजन कठिन हुने दाबी गर्न थालेका छन् ।
उनीको दाबी छ, ‘म विश्वको सबै भन्दा महान क्लबको महान प्रशिक्षक हुँ । नयाँ सिजन कठिन हुन्छ भनेर मैले पहिल्यै भनेको थिए ।’
यता, वर्नली प्रशिक्षक सियन ड्याचीले घरेलु मैदानमा म्यान युविरुद्ध जितकालागि खेल्ने बताएका छन् ।
‘हामी घरेलु मैदानमा हुने सबै खेल जित्न चाहन्छौ ।’ उनले भने ।
म्यान यु ३ खेलबाट ३ अंक जोड्दै तालिकाको १४ औ स्थानमा छ । वर्नली मात्र एक अंक सहित तालिकाको १९ औ स्थानमा छ ।
आजै राति हुने अर्को खेलमा टोट्नहमले वाटफोर्डसंग प्रतिस्पर्धा गर्नेछ । अर्को खेलमा आर्सनलले कार्डिफ सिटीसंग खेल्नेछ ।
-1734842793.webp)
