एजेन्सी । विकेटकिपर ब्याट्सम्यान जोनी बेयरस्टो इंग्ल्यान्डको टेस्ट टिमको सेन्ट्रल कन्ट्रयाक्टमा पर्न असफल भएका छन् ।
इंग्ल्यान्ड एण्ड वेल्स क्रिकेट बोर्डले २०२०/२१ का लागि सार्वजनिक गरेको सूचीमा बेयरस्टो टेस्ट टिमको सेन्ट्रल कन्ट्रयाक्टबाट बाहिर रहेका हुन् ।
३१ वर्षीय ब्याट्सम्यान वेस्ट इन्डिज र पाकिस्तानसँगको टेस्ट सिरिजको टिममा समेत थिएनन् ।
ब्याट्सम्यान ज्याक क्रली, ओली पोप र डम सिब्ली पहिलोपटक सेन्ट्रल कन्ट्रयाक्टमा अटाएका छन् ।
बेयरस्टो सिमित ओभरको क्रिकेटका लागि भने सेन्ट्रल कन्ट्रयाक्टमा परेका छन् ।
यस्तै जोइ डेन्लीले समेत सेन्ट्रल कन्ट्रयाक्ट गुमाएका छन् । अलराउण्डर टम करन भने सिमित ओभरको क्रिकेटका लागि सेन्ट्रल कन्ट्रयाक्टमा रहेका छन् ।
सेन्ट्रल कन्ट्रयाक्ट अक्टोबर १ बाट १२ महिनाका लागि लागु हुनेछ ।
-1736609631.jpeg)
-1736605265.jpeg)
