काठमाडौं । एसिया कप छनोटको चौथो खेलमा नेपालले अहिले सिंगापुरसंग प्रतिस्पर्धा गरिरहेको छ ।
सिंगापुरले टस जितेर ब्याटिङ रोजेपछि नेपालले अहिले फिल्डिङ गरिरहेको छ । सुरुवाती ब्याट्सम्यानलाई सस्तैमा आउट गरेर नेपालले सिंगापुरलाई दबाबमा राखेको छ । १ सय ४ रन बनाउन सिंगापुरले ५ विकेट गुमाएको छ ।
सिंगापुरका अनिस परामलाई दिपेन्द्र सिंह ऐरीले रन आउट गरेका छन् । त्यस्तै मनप्रित सिंहलाई सन्दिप लामिछानेले एलबीडब्लुको सिकार बनाएका छन् ।
त्यस्तै, नेपालका सोमपाल कामीले २ तथा ललित राजवंशीले एक विकेट लिएका छन् । ओपनर अर्जुन मुतरिजालाई शुन्य र रोहन रंगराजनलाई ८ रनमा बोल्ड गर्दै सोमपालले सिंगापुरमाथी दबाब बनाएका थिए ।
ललितले अरितरा दत्तलाई सुवास खकुरेलको हातबाट क्याच आउट गराएका थिए ।
एसिया कपमा छनोट हुने सम्भावना जिवितै राख्न नेपाललाई आजको खेल जित्नैपर्ने दबाब छ । नेपाल ३ खेलको समाप्तिमा मात्र २ अंक जोडेको छ ।
1711199972.jpeg)
