एजेन्सी । इन्डियन प्रिमियर लिग (आईपीएल) क्रिकेटमा नेपाली लेग स्पिनर सन्दीप लामिछाने आबद्द दिल्ली क्यापिटल्सले दोस्रो खेलमा अहिले चेन्नई सुपर किङ्ससँग प्रतिस्पर्धा गर्दैछ ।
दुबई अन्तराष्ट्रिय क्रिकेट स्टेडियममा सन्दीप आबद्द टिम दिल्लीले पहिले ब्याटिङ गर्ने भएको छ ।
चेन्नईले टस जितेर बलिङ रोजेपछि दिल्लीले पहिले ब्याटिङ गर्ने भएको हो ।
तर, सन्दीपले सिजनको दोस्रो खेल पनि खेल्ने छैनन् । दिल्लीले चेन्नईविरुद्धको खेलमा सन्दीपलाई प्लेईङ सेटमा राखेको छैन ।
लगातार तेस्रो पटक आईपीएल खेलिरहेका सन्दीप लगातार दोस्रो खेलमा टिममा नपरेका हुन् ।
श्रेयस आयरको कप्तानीमा मैदान उत्रिएको दिल्ली लगातार दोस्रो जित निकाल्ने लक्ष्यमा रहेको छ ।
पहिलो खेलमा दिल्लीले किङ्स इलाभेन पन्जाबलाई सुपर ओभरमा पराजित भएको थियो ।
महेन्द्र सिंह धोनीको कप्तानीमा मैदान उत्रेको चेन्नई पनि दोस्रो जित निकाल्ने लक्ष्यमा रहेको छ ।
पहिलो खेलमा चेन्नईले मुम्बई इण्डियन्सलाई ५ विकेटले हराएको थियो ।
तर, दोस्रो खेलमा चेन्नई राजस्थान रोयल्ससँग १६ रनले पराजित भएको थियो ।
-1736605265.jpeg)
