एजेन्सी । फ्रेन्च लिग वान फुटबलमा साबिकको विजेता पेरिस सेन्ट जर्मेन (पिएसजी) ले लगातार चौथो जित हात पारेको छ । शनिबार राति निम्सलाई ४ – २ गोल अन्तरले हराउदै पिएसजीले चौथो जित निकालेको हो ।
निम्सको मैदानमा भएको खेलमा पिएसजीलाई जित दिलाउन नेयमार, एन्जल डी मारिया, केलियन एमबाप्पे र एडिन्सन काभानीले समान एक एक गोल गरे । एन्टोनिन बुबिचोन र तेजी शावनियरले एक एक गोल फर्काए ।
तर, खेलको अन्तिम समयमा दुवै टोली १० खेलाडीमा सिमित भएको थियो । खेलको इन्जुरी समयमा पिएसजीका एमबाप्पे दोहोरो पहेलो कार्ड पाएर मैदानबाट बाहिरिएका थिए । यस्तै निम्सका शावनियरले रातो कार्ड पाएका थिए ।
यो जितसंगै पिएसजीले चार खेलबाट १२ अंक जोडेको छ । र, पिएसजी शीर्ष स्थानमा रहेको छ । निम्सको ४ खेलबाट ६ अंक रहेको छ ।
