काठमाडौं । एसिया कप छनोट क्रिकेट अन्तर्गत मलेसियाविरुद्धको खेलमा नेपालका दिपेन्द्र सिंह ऐरी म्यान अफ दि म्याच चुनिएका छन् ।
मलेसियाको क्वालालम्पुरस्थित बायुमास ओभलमा नेपाललाई जित दिलाउन महत्वपूर्ण भूमिका खेलेका दिपेन्द्र म्यान अफ दि म्याच चुनिएका हुन् । खेलमा नेपालले मलेसियालाई १९ रनले हराएको थियो । तीन खेलमा नेपालको यो पहिलो जित हो ।
मलेसियाविरुद्ध उत्कृष्ट प्रदर्शन गरेका दिपेन्द्रले अर्धशतक बनाउनका साथै एक विकेट लिएका थिए । दिपेन्द्रले ४८ बलमा ५४ रन बनाए । उनले १ छक्का र ६ चौका प्रहार गरेका थिए ।
दिपेन्द्रले छैटौं विकेटका लागि आरिफ शेखसंग १०१ रनको साझेदारी गरेका थिए ।
यस्तै बलिङतर्फ दिपेन्द्रले मलेसियाको १ विकेट लिएका थिए ।
1711199972.jpeg)
