एजेन्सी । आठ पटकको विजेता लिभरपुलले कारबाओ कपको तेस्रो चरणमा लण्डन क्लब चेल्सीसंग भिड्ने भएको छ । प्रशिक्षक योर्गेन क्लोप नेतृत्वको टोलीले एनफिल्डमा लण्डन क्लबलाई आमन्त्रण गर्ने समिकरण तय भएको छ ।
त्यस्तै प्रिमियर लिग क्लब म्यान्चेष्टर सिटीले अक्सफोर्ड युनाईटेड र आर्सनलले ब्रेन्टफोर्डसंग प्रतिस्पर्धा गर्ने तय भएको छ ।
कारबाओ कपको सार्वजनीक ड्र अनुसार फ्रायाङ्क लम्पार्ड नेतृत्वको डर्बी कन्ट्रीले प्रशिक्षक जोसे माउरिन्होको क्लब म्यान्चेष्ट युनाईटेडसंग प्रतिस्पर्धा गर्नेछन् ।
चेल्सीले गत सिजन सेमिफाईनलसम्म स्थान बनाएको थियो । अन्तिममा आर्सनलसंग २–१ ले पराजित हुदै प्रतियोगिताबाट बाहिरिएको थियो । उपाधि भिडन्तमा म्यान्चेष्टर सिटीसंग आर्सनल पराजित हुन पुगेको थियो ।
