एजेन्सी । घरेलु टिम इंग्ल्यान्ड र पाकिस्तानबीचको अन्तिम तथा तेस्रो टेस्ट आज (शुक्रबार) बाट सुरु हुँदैछ ।
दुई टिमबीचको अन्तिम टेस्ट साउथह्याम्पटनको द रोज बलमा सुरु हुनेछ । खेल नेपाली समय अनुसार अपरान्ह ३:४५ बजे सुरु हुनेछ ।
इंग्ल्यान्ड र पाकिस्तानका यस टेस्ट निर्णायक टेस्टको रुपमा रहेको छ ।
इंग्ल्यान्ड अन्तिम टेस्ट जित्दै सिरिज कब्जा गर्न चाहन्छ । तीन खेलको सिरिजमा इंग्ल्यान्ड १-० ले अघि रहेको छ ।
तर, पाकिस्तान अन्तिम टेस्ट जित्दै सिरिज बराबरी गर्न चाहन्छ ।
पहिलो टेस्टमा टेस्टमा इंग्ल्यान्डले ३ विकेटको जित निकालेको थियो । तर, वर्षाले प्रभावित दोस्रो टेस्ट ड्र भएको थियो ।
इंग्ल्यान्डको लागि यो वर्षको अन्तिम टेस्ट हो । यस अघि इंग्ल्यान्डले वेस्ट इन्डिजविरुद्धको तीन टेस्टको सिरिज २-१ ले जितेको थियो ।
पाकिस्तानसँगको अन्तिम टेस्टको लागि इंग्ल्यान्डले दोस्रो टेस्ट खेलेकै खेलाडीलाई मैदान उतार्ने भएको छ । इंग्ल्यान्डले अघिल्लो प्लेइङ सेटमा कुनै परिवर्तन गरेको छैन ।
पाकिस्तानले भने प्लेईङ सेट सार्वजनिक गरेको छैन ।
-1736559847.jpg)
