काठमाडौं । सेन्चुरी बैंक र मुक्तिनाथ विकास बैंकले राजधानीमा जारी पाँचौ अल्टिमेट इन्डोर कर्पोरेट क्रिकेट प्रतियोगितामा जित हासिल गरेको छ ।
सोमबार भएको खेलमा सेन्चुरीले श्री एअरलायन्सलाई १०५ रनले पराजित गर्यो । पहिले ब्याटिङ गरेको सेन्चुरीले १५१ रन बनाएको थियो । जवाफी ब्याटिङ गरेको श्री एअरलायन्सले ४६ रन मात्रै बनाउन सक्यो ।
यस्तै मुक्तिनाथले मेगा बैंकलाई ३५ रनले पराजित गर्यो । पहिले ब्याटिङ गरेको मुक्तिनाथले १०७ रन बनाएको थियो । जफी ब्याटिङ गरेको मेगाले ७२ रन मात्रै बनाउन सक्यो ।
प्रतियोगिता अन्तर्गत नै एनएमबि बैंकले माछापुच्छ्रेबैंकलाई ८१ रनले पराजित गर्यो । त्यस्तै अन्नपूर्ण मिडिया हाउसले सानिमा हाइड्रोलाई ५९ रनले हरायो ।
सोमबार नै भएको अर्को खेलमा सिटिजन्स बैकले जनता बैंकलाई १२४ रनले पराजित गरेको छ ।
