एटलान्टा शीर्ष तीनमा

एजेन्सी । इटालियन सिरी 'ए' फुटबलमा एटलान्टाले सहज जित निकालेको छ ।

बुधबार राति भएको खेलमा एटलान्टाले साम्पडोरियालाई २-० गोल अन्तरले पराजित गरेको हो ।

घरेलु मैदानमा खेलको ७५ औं मिनेटमा राफेल टोलोईले गोल गर्दै एटलान्टालाई अग्रता दिलाएका थिए ।

त्यसपछि खेलको ८५ औं मिनेटमा लुइस मुरिएलले गोल गर्दै एटलान्टालाई २-० को जित दिलाए ।

जितसँगै एटलान्टा लिगको तेस्रो स्थानमा उक्लिएको छ । एटलान्टाले ३१ खेलमा ६६ अंक जोडेको छ ।

पराजित साम्पडोरिया ३२ अंक जोडेर १६ औं स्थानमा रहेको छ ।

सिरी 'ए' अन्तर्गत नै नापोलीले जिनोआलाई २-१ ले हराएको छ ।

यस्तै रोमाले पर्मालाई २-१ ले नै हराएको छ ।