एजेन्सी । बोरुसिया डर्टमण्डले जर्मन बुन्डेस लिगा फुटबलमा विजयी सुरुवात गरेको छ । आइतबार राति भएको सिजनको पहिलो खेलमा डर्टमण्डले आरबी लिपजिगलाई ४ - १ ले पराजित गरेको छ ।
घरेलु मैदानमा भएको खेलमा डर्टमण्डले सुरुवाती अग्रता उल्टाएर पुनरागमन जित निकालेको हो । डर्टमण्डको जितमा महमौद दाहौड, एलेक्स विसल र मार्को रिउसले एक एक गोल गरे ।
डर्टमण्डले एक गोल आत्मघाती उपहार पाएको थियो । लेपजिगका जिन केभिन अगस्टिनले एक गोल गर्दा मार्सेल सबिट्जेरले आत्मघाती गोल गरेका थिए ।
यो जितसंगै डर्टमण्डले नयाँ सिजनको सुखद सुरुवात गरेको छ । र, डर्टमण्डले १ खेलबाट ३ अंक जोडेको छ । लेपजिगको भने हारबाट सिजनको सुरुवात भएको छ ।
बुन्डेस लिगाअन्तर्गत नै आइतबार राति भएको अर्को खेलमा मैन्जले स्टुटगार्डलाई १ - ० ले हराएको छ ।
