एजेन्सी । इङ्लिस प्रिमियर लिग फुटबलमा आज लण्डन क्लब चेल्सीले न्युक्यासल युनाईटेडसंग प्रतिस्पर्धा गर्दैछ । न्युक्यासलको घरेलु मैदान जेम्स पार्कमा हुने खेल नेपाली समय अनुसार राति पौने ९ बजे सुरु हुनेछ ।
न्युक्यासलविरुद्धको खेलमा चेल्सीले सुरुवाती सेटमा इडेन हजार्डलाई खेलाउनेछ । प्रशिक्षक माउरिजियो सर्रीले समेत यसको पुष्टि गरेका छन् ।
‘मलाई लाग्छ, हजार्ड ५० देखी ६० मिनेटकालागि तयार छन् । ९० मिनेटको बिषयमा मलाई थाहा छैन तर उनीले सुरुवात गर्नेछन् ।’ उनले भने ।
न्युक्यासलका प्रशिक्षक राफेल बेनिटेजले समेत आफुहरु एक उत्कृष्ट टिमविरुद्ध प्रतिस्पर्धा गर्न लागेको बताए ।
‘हामीले उत्कृष्ट टिमविरुद्ध प्रतिस्पर्धा गर्दैछौ । सर्री आफैमा राम्रा प्रशिक्षक हुन् । उनले इटालीमा राम्रो अनुभव बटुलेका छन् ।’ उनले भने, ‘तर मुख्य कुरा खेलाडीको व्यवहार र प्रयोग गर्ने दिमागमा निर्भर रहन्छ । खेल जित्न चाहने शक्ति र मानसिक रुपमा पुर्ण हुनपर्छ ।’
चेल्सीले सुरुवात दुई खेलमा जित निकाल्दै ६ अंक जोडेको छ । समान खेलबाट न्युक्यासलले मात्र एक अंक जोडेको छ ।
आजै राति वर्नलीले फुलह्याम तथा वाटफोर्डले क्रिस्टल प्यालेससंग प्रतिस्पर्धा गर्दैछ ।
