एजेन्सी । फ्रेन्च लिग वान फुटबलमा साबिकको विजेता पेरिस सेन्ट जर्मेन (पिएसजी) ले लगातार तेस्रो जित हासिल गरेको छ ।
लगातार तेस्रो जित दर्ता गर्ने क्रममा पिएसजीले शनिबार राति एन्जर्सलाई ३ - १ गोल अन्तरले पराजित गर्यो ।
घरेलु मैदानमा भएको खेलमा पहिलो हाफमा गोलरहित बराबरी खेलेपनि पिएसजीले दोस्रो हाफमा दुई गोल थप्दै जित निकालेको हो ।
पिएसजीको लागि एडिन्सन काभानी, केलीएन एमबाप्पे र नेयमारले समान एक/एक गोल गरे । एन्जर्सको लागि थोमस मंगानीले एक गोल फर्काए ।
जितसंगै पिएसजीले ३ खेलबाट ९ अंक जोडेको छ । र, पिएसजी लिगको शीर्ष स्थानमा छ । लगातार तीन खेल गुमाएको एन्जर्स लिगको पुछारमा रहेको छ ।
फ्रेन्च लिग अन्तर्गत नै दोस्रो स्थानको डिजोनले नाइसलाई ४ - ० ले हराएको छ । एमियन्सले रिम्सलाई ४ - १ ले हराउदा टोलुसेले निम्सलाई १ - ० ले पराजित गरेको छ ।
