एजेन्सी । इन्ग्लिश प्रिमियर लिग फुटबलमा लिभरपुलले लगातार तेस्रो जित दर्ता गरेको छ ।
शनिबार राति भएको खेलमा लिभरपुलले ब्राइटन एण्ड होभ आल्बियनलाई १ - ० गोल अन्तरले हराएको हो ।
घरेलु मैदानमा भएको खेलमा लिभरपुललाई जित दिलाउन मोहमद सलाह नायक बने । सलाह नायक बन्दै निर्णायक गोल गर्दा लिभरपुलले साँघुरो जित निकालेको हो ।
एनफिल्डमा खेलको २३ औं मिनेटमा सलाहले गोल गर्दै लिभरपुललाई जित दिलाएका हुन् ।
जितसंगै लिभरपुलले ३ खेलबाट ९ अंक जोडेको छ । लिभरपुल लिगको शीर्ष स्थानमा छ । पराजित ब्राइटनको ३ खेलबाट ३ अंक रहेको छ ।
