काठमाडौं । प्रथम सिद्धेश्वर बुढानिलकण्ठ महिला सेभेन ए साइड फुटबल प्रतियोगिताको उपाधि आयोजक सिद्धेश्वर बुढानिलकण्ठले हात पारेको छ ।
कपनस्थित ह्याण्डबल मैदानमा शनिबार भएको फाइनलमा आयोजक सिद्धेश्वरले कुमारी फुटसललाई २–० गोल अन्तरले पराजित गर्याे । आयोजकलाई उपाधि दिलाउने क्रममा मनिषा थापा र पेमा चोदनले एक एक गोल गरे ।
सिद्धेश्वर बुढानिलकण्ठ सरोकार समाजद्धारा आयोजित प्रतियोगितामा सर्वाेत्कष्ट खेलाडी आयोजककी मनिषा थापा घोषित भईन् । यस्तै उत्कृष्ट गोलकिपर आयोजककै झरना नगरकोटी र सर्वाधिक गोलकर्ता कुमारी फुटसलकी कुमारी तामाङ घोषित भईन् ।
