काठमाडौं । ललितपुरको गोदावरीमा १५ औं संस्करणको दिनेश स्मृति कप गाईजात्रा फुटबल प्रतियोगिता हुने भएको छ ।
नमुना खेलकुद क्लबको आयोजनामा यहिँ भदौ ११ गते गाईजात्राको दिन प्रतियोगिता हुने भएको हो ।
गाईजात्राको दिन मात्रै आयोजना हुने यस प्रतियोगिता बिहान ७ बजे सुरु बेलुका समापन हुने आयोजक नमुना खेलकुद क्लबले खेलपाटीलाई जानकारी गराएको छ ।
प्रतियोगिताको विजेताले २० हजार र उपविजेताले १० हजार नगर सहित प्रमाण पत्र र ट्रफी प्राप्त गर्नेछन् । रुस्लानको मुख्य प्रायोजक रहेका प्रतियोगितामा सह प्रायोजकमा याट्स रहेको छ ।
यस्तै आयोजकले यस पटक सेमिफाइनलमा पराजित भएका टोलीहरुबीच पेनाल्टी सुटआउट प्रतियोगिता गराउने समेत जनाएको छ । पेनाल्टी सुटआउटका विजेतालाई ५ हजार नगद सहित ट्रफी प्रदान गरिने छ ।
एक दिने प्रतियोगिता ललितपुरको गोदावरी खेल मैदानमा आयोजना हुनेछ ।
