एजेन्सी । रुस विश्वकप फुटबलको विजेता टोली फ्रान्स तथा इन्ग्लिश क्लब टोटेनहमका गोलकिपर ह्युगो लोरिसलाई कारबाही गरिएको छ ।
इंग्ल्यान्डको मेरीलेबोनमा मादकपदार्थ सेवन गरी गाडी चलाएपछि फ्रान्सका कप्तान लोरिसलाई प्रहरीले कारबाही गरेको हो ।
टोटेनहमका कप्तान समेत रहेका लोरिस शुक्रबार रक्सी खाएर गाडी चलाईरहेको अवस्थामा भेटिएका थिए । तर, लोरिसलाई महानगरीय प्रहरीले जमानतमा रिहा गरेका छन् । र, लोरिसलाई आगामी सेप्टेम्बर ११ मा अदालतमा उपस्थित हुन आदेश दिईएको छ ।
रुसमा गत महिना सम्पन्न विश्वकपमा फ्रान्सले उपाधि जित्दा लोरिस मुख्य खेलाडी थिए । उनको उत्कृष्ट बचाउले फ्रान्सले विश्वकपमा कम गोल खाएको थियो ।
लोरिस सन् २०१२ मा लियोनबाट टोटेनहम आएका थिए । लोरिसले टोटेनहमबाट २५६ खेल खेलिसकेका छन् ।
