एजेन्सी । पाकिस्तानी महिला क्रिकेट टिमका पूर्व कप्तान साना मिरले अन्तर्राष्ट्रिय क्रिकेटबाट सन्यास घोषणा गरेकी छिन् ।
महिला क्रिकेटको नम्बर एक ब्याट्सम्यान सानाले शनिबार सन्यास घोषणा गरेकी हुन् ।
३२ वर्षीय सानाले पाकिस्तानका लागि २ सय २६ खेल खेलेकी छिन् । उनले १ सय ३७ खेलमा कप्तानी गरेकी छिन् ।
सन् २००५ मा राष्ट्रिय टिममा डेब्यु गरेकी सानाले एकदिवसीयमा सर्वाधिक विकेट लिने महिला खेलाडी समेत हुन् ।
उनले १ सय २० एकदिवसीयमा १ सय ५१ विकेट लिएकी छिन् । टी-ट्वान्टीमा १ सय ६ खेलमा ८९ विकेट लिएकी छिन् ।
साना एकदिवसीयमा पाकिस्तानका लागि सर्वाधिक रन बनाउने तेस्रो खेलाडी हुन् । उनले १६ सय ३० रन बनाएकी छिन् ।
