एजेन्सी । रियल मड्रिडले स्पेनिस ला लिगा फुटबलको नयाँ सिजनमा शुखद सुरुवात गरेको छ । आइतबार राति भएको पहिलो खेलमा गेटाफेलाई २ - ० गोल अन्तरले हराएर रियलले जितबाट सिजनको सुरुवात गरेको हो ।
घरेलु मैदानमा भएको खेलमा रियललाई जित दिलाउन ड्यानी कार्भाजल र ग्यारेथ बेलले समान एक/एक गोल गरे । स्टार स्ट्राइकर क्रिस्टियानो रोनाल्डोले क्लब छाडेपछि रोनाल्डोबिना लिगको पहिलो खेल खेलेको रियलले गेटाफेविरुद्ध दुवै हाफमा समान एक/एक गोल गरेको थियो । रोनाल्डो यसै सिजन इटालियन क्लब युभेन्ट्स गएका छन् ।
सान्टियागो बर्नाबेउमा खेलको २० औं मिनेटमा कार्भाजलले गोल गर्दै रियललाई सुरुवाती अग्रता दिलाए । पहिलो हाफमा १ - ० ले अघि रहेको रियलको लागि ५१ औं मिनेटमा बेलले गोल गर्दै टोलीलाई २ - ० को सहज जित दिलाए ।
जितसंगै रियलले ३ अंक जोडेको छ । र, आफुलाई उपाधि दाबेदार क्लबको रुपमा उभ्याएको छ ।
ला लिगा अन्तर्गत नै अर्को खेलमा सेभियाले रायो भालाकानोलाई ४ - १ तथा इबरलाई एसडी हेस्काले २ - १ गोल अन्तरले पराजित गरेको छ घरेलु मैदानमा भएको खेलमा रियललाई जित दिलाउन ड्यानी कार्भाजल र ग्यारेथ बेलले समान एक/एक गोल गरे ।
