एजेन्सी । इन्ग्लिश प्रिमियर लिग फुटबलमा टोटेनहमले लगातार दोस्रो जित निकालेको छ ।
शनिबार भएको खेलमा फुलहमलाई ३ - १ गोल अन्तरले हराएर टोटेनहमले लगातार दोस्रो जित निकालेको हो । यसअघि पहिलो खेलमा टोटेनहमले न्युकासल युनाइटेडलाई २ - १ गोल अन्तरले हराएको थियो ।
घरेलु मैदानमा भएको खेलमा टोटेनहमलाई जित दिलाउन लुकास मौरा, केरियन ट्रीपिएर र ह्यारी केनले समान एक/एक गोल गरे । फुलहमका एलेक्जेन्डर मिट्रोभिकले एक गोल फर्काए ।
जितसंगै टोटेनहमले दुई खेलबाट ६ अंक जोडेको छ । र, टोटेनहम लिगको शीर्ष स्थानमा रहेको छ ।
प्रिमियर लिग अन्तर्गत नै बोर्नेमाउथले पनि लगातार दोस्रो जित निकालेको छ । शनिबार बोर्नेमाउथले वेष्ट ह्याम युनाइटेडलाई २ - १ ले पराजित गर्यो ।
यस्तै शनिबार भएको अन्य खेलमा एभर्टनले साउथह्याम्पटनलाई २ - १, लेष्टर सिटीले वुल्भ्सलाई २ - ० ले हराएको छ ।
कार्डिफ सिटी र न्युकासल युनाइटेडले गोलरहित बराबरी खेल्दै अंक बाडेका छन् ।
-1734842793.webp)
