काठमाडौं । नुवाकोट भेट्रान्स क्लबले खुला भेट्रान कप सिक्स ए साइड फुटबल प्रतियोगिताको उपाधि जितेको छ ।
शनिबार भएको फाइनलमा जावलाखेल भेट्रान्स क्लबलाई ४–० गोल अन्तरले पराजित गर्दै नुवाकोटले उपाधि जितेको हो ।
चावहिल स्पोर्ट्स क्लबद्वारा आयोजित प्रतियोगितामा नुवाकोटको लागि जगत लामाले ह्याट्रिक गरे । यस्तै एक गोल सुरज लामाले गरे ।
उपाधिसंगै नुवाकोटले ट्रफी सहित नगद १ लाख र उपविजेता जावलाखेलले ५० हजार र ट्रफी प्राप्त गरे ।
