काठमाडौं । त्रि.वि अन्तर कलेज बिएससी सिएसआईटी कप क्रिकेट शनिबारबाट सुरु हुने भएको छ ।
आयोजक न्यू समिट कलेजले बिहिबार पत्रकार सम्मेलन गर्दै प्रतियोगिता फागुन १७ गतेबाट सुरु हुने जनाएको छ ।
मूलपानी क्रिकेट मैदानमा हुने प्रतियोगितामा १३ वटा कलेजहरुको सहभागिता रहने कार्यक्रम संयोजक एलेक्स दिप सापकोटाले जानकारी दिए ।
प्रतियोगिताको विजेता बन्ने टिमले आउँदो संस्करणको प्रतियोगिता सञ्चालन गर्नुपर्ने नियम रहेकाले गत वर्षको विजेता बनेको न्यू समिट कलेजले यसवर्ष प्रतियोगिता गर्न लागेको हो ।
प्रतियोगिताको विजेताले ६० हजार र उपविजेताले ४० हजार पाउनेछ । यसैगरी म्यान अफ दि सिरिजले ट्रफी र प्रमाणपत्र पाउनेछन् ।
विगत १० वर्षदेखि सञ्चालन हुँदै आएको यस प्रतियोगिता फागुन २८ गतेसम्म चल्नेछ ।
-1735220291.jpg)
