एजेन्सी । घरेलु टोली बार्सिलोनाले जोन गेम्पर ट्रफ्रीको उपाधि जितेको छ ।
बुधबार राति भएको खेलमा अर्जेन्टिनाको बोका जुनियर्सलाई ३ - ० गोल अन्तरले हराउदै बार्सिलोनाले जोन गेम्पर ट्रफ्री जितेको हो ।
घरेलु मैदान नाउ क्याम्पमा भएको खेलमा बार्सिलोनालाई जित दिलाउन माल्कोम, कप्तान लियोनल मेस्सी र रिफान्हाले एक एक गोल गरे ।
बार्सिलोनाले पहिलो हाफमा दुई गोल गर्दा दोस्रो हाफमा एक गोल गरेको थियो । खेलको १८ औं मिनेटमा माल्कोमले गोल गर्दै बार्सिलोनालाई सुरुवाती अग्रता दिलाए । यसै सिजन क्लब आएका माल्कोमको यो डेब्यु गोल हो ।
खेलको ३९ औं मिनेटमा कप्तान मेस्सीले गोल गर्दै बार्सिलोनालाई २ - ० को अग्रता दिलाए । त्दोस्रो हाफको ६७ औं मिनेटमा रिफान्हाले गोल गर्दै बार्सिलोनालाई ३ - ० को सहज जित दिलाए ।
स्पेनिस ला लिगाको नयाँ सिजन अघि बार्सिलोनाले मैत्रीपूर्ण फुटबल अन्तर्गत जोन गेम्पर ट्रफ्रीको आयोजना गर्ने गर्दछ । जोन गेम्पर ट्रफ्रीको यो ५३ औं संस्करण समेत हो ।
