एजेन्सी । इण्डियन प्रिमियर लिग टी-ट्वान्टी क्रिकेट (आईपीएल) को नयाँ सिजनको उद्घाटन खेलमा साविक विजेता मुम्बई इण्डियन्स र चेन्नई सुपर किङ्सबीच प्रतिस्पर्धा हुने भएको छ ।
आईपीएलले निकालेको खेल तालिका अनुसार पहिलो खेलमा मुम्बई र चेन्नई भिड्ने भएका हुन् । उद्घाटन खेल मुम्बईको घरेलु मैदानमा वान्खडे स्टेडियममा मार्च २९ मा हुनेछ ।
आईपीएलको लिग चरणको अन्तिम खेल भने मे १७ मा हुनेछ । उक्त खेलमा रोयल च्यालेन्जर्स बैंगलोर र मुम्बई भिड्ने छन् ।
लिग चरणको खेलपछि शीर्ष ४ टोलीले प्ले अफमा स्थान बनाउने छन् । त्यसपछि शीर्ष र दोस्रो टिमबीचको क्वालिफायर विजेता फाइनलमा पुग्नेछ । पराजित हुने टिमले इलिमिनेटर विजेतासँग दोस्रो क्वालिफायर खेल्नेछ । तेस्रो र चौंथो टिमबीच इलिमिनेटर खेल हुनेछ ।
आईपीएलको यस सिजनको फाइनल मे २४ मा वान्खडेमा हुनेछ ।
खेल तालिका -
-1735138694.jpeg)
-1735136879.JPG)
