एजेन्सी । दक्षिण अफ्रिका क्रिकेट टिमको पाकिस्तान भ्रमण मिति सर्ने भएको छ ।
दक्षिण अफ्रिकाले टी-ट्वान्टी सिरिजका लागि आगामी मार्चमा पाकिस्तान जाने तयारी गरेको थियो । तर, दक्षिण अफ्रिकाले खेलाडीको व्यस्त खेल तालिकालाई मध्ये नजर गर्दै पाकिस्तान भ्रमणको मितिमा ढिलाई हुने जनाएको छ ।
यस अघि दक्षिण अफ्रिकाले मिति तय नगरेपनि मार्चमा पाकिस्तानको भ्रमण गर्ने जनाएको थियो । भारतसँगको एकदिवसीय सिरिज मार्च १८ गते सकिएसँगै दक्षिण अफ्रिकाले पाकिस्तान जाने तयारी गरेको थियो ।
अब भने दक्षिण अफ्रिकाले भ्रमणको नयाँ मिति तय गर्ने छ । पाकिस्तानसँग दक्षिण अफ्रिकाले ३ खेलको सिरिज खेल्नेछ ।
दक्षिण अफ्रिकाले सन् २००७ को अक्टोबरपछि पाकिस्तानको भ्रमण गरेको छैन । पछिल्लो समय दुई टोलीबीच युएईमा खेल्दै आएका छन् ।
सन् २००९ मा श्रीलंकन टोलीमाथि आतंकवादी हमला भएपछि धेरै तिम्ले पाकिस्तानको भ्रमण गरेको छैन ।
-1735138694.jpeg)
-1735136879.JPG)
