एजेन्सी । पाहुना टिम दक्षिण अफ्रिकाविरुद्धको दोस्रो टी-ट्वान्टी अन्तराष्ट्रिय क्रिकेटमा इंग्ल्यान्डले जित निकालेको छ ।
डुरबानमा शुक्रबार राति भएको रोमान्चक खेलमा इंग्ल्यान्डले दक्षिण अफ्रिकालाई २ रनले पराजित गरेको हो ।
इंग्ल्यान्डले दिएको २ सय ५ रनको लक्ष्यसहित जवाफी ब्याटिङ गरेको दक्षिण अफ्रिकाले २० ओभरमा ७ विकेट गुमाएर २ सय २ रन बनाउन सक्यो ।
दक्षिण अफ्रिकाका कप्तान क्विनटन डी ककले ६५ रनको अर्धशतकीय इनिङ्स खेले । भान डेर डुसेनले अविजित ४३ रन जोड्दा टेम्पा बाभुमाले ३१ र ड्वाने प्रिटोरिओसले २५ रन बनाए
इंग्ल्यान्डका टम करण, क्रिस जोर्डन र मार्क उडले २/२ विकेट लिए ।
यस अघि टस हारेर पहिले ब्याटिङ गरेको इंग्ल्यान्डले २० ओभरमा ७ विकेट गुमाएर २ सय ४ रन बनाएको थियो ।
इंग्ल्यान्डका बेन स्टोक्सले अविजित ४७ रन जोड्दा जासन रोयले ४० रन बनाए । मोइन अलिले ३९ रन जोड्दा जोनी बेयरस्ट्रोले ३५ रन बनाए ।
दक्षिण अफ्रिकाका लुंगी नेग्दीले ३ विकेट लिए । एडिलेले २ विकेट लिए ।
यो जितसँगै इंग्ल्यान्डले ३ खेलको सिरिजमा १-१ को बराबरी गरेको छ । पहिलो खेलमा इंग्ल्यान्ड १ रनले पराजित भएको थियो ।
-1735138694.jpeg)
-1735136879.JPG)
