एजेन्सी । म्यान्चेष्टर युनाईटेडले गोलकिपर डेभिड डि जियाले क्लबसंग नयाँ सम्झौतामा हस्ताक्षर गर्ने विश्वास ब्यक्त गरेको छ ।
२७ बर्षिया खेलाडी जियाको क्लबसंगको सम्झौता अर्को बर्ष सकिदैछ । म्यान युलाई जियासंगको सम्झौता नविकरणको मौका उपलब्ध छ ।
ओल्डट्राफोर्ड क्लबले स्पेनिस खेलाडीले चाँडै नयाँ सम्झौतापत्रमा हस्ताक्षर गर्ने विश्वास व्यक्त गरेको हो ।
स्पेनिस क्लब रियल मड्रिडले लण्डन क्लब चेल्सीबाट थिवाउट कोर्टोइसलाई ३५ मिलिनय पाउण्डमा अनुबन्धन गरेपछि म्यान युले आफ्ना गोलकिपर क्लबमा रहनेमा आशावादी देखिएको हो ।
स्पेनका अन्तराष्ट्रिय खेलाडी जिया पछिल्लो समय स्पेनिस महारथी रियलसंग जोडिएका थिए । उनलाई अनुबन्धन गर्न रियलले चासो देखाउदै आएको थियो ।
डि जिया स्पेनिस क्लब एथ्लेटिको मड्रिडबाट सन् २०११ मा म्यान यु आएका थिए । उनी चार बर्ष क्लबमा बर्ष खेलाडी घोषित भएका थिए ।
म्यान यु उपविजेतामा सिमित हुदाँ समेत उनी बर्षको उत्कृष्ट टिमभित्र पर्न सफल भएका थिए ।
प्रिमियर लिगको नयाँ सिजनमा लेस्टरविरुद्धको खेलमा दुई उत्कृष्ट बचाउ गर्दै उनले क्लबलाई २-१ को जित दिलाएका थिए ।
-1734879364.jpg)
-1734875597.jpg)
