काठमाडौं । साफ अन्डर १५ महिला फुटबल च्याम्पियनसिपमा नेपाल बंगलादेशसंग ३-० गोल अन्तरले पराजित भएको छ ।
थिम्पुस्थित चाङलिमिथाङ मैदानमा भएकाे समूह चरणको अन्तिम खेलमा नेपाल बंगलादेशसंग पराजित भएको हो । समूह चरणमा एक मात्र खेल जितेको नेपाल उपविजेता बन्यो । नेपालले मात्र ३ अंक जोड्न सक्यो ।
तोहुरा खातुनले ४६ औ मिनेटमा गोल गर्दै बंगलादेशलाई अग्रता दिलाएकी थिईन् । ५१ औ मिनेटमा मारिया माण्डाले गोल गर्दै बंगलादेशको अग्रता दोब्बर पारिन् ।
६७ औ मिनेटमा शाजिदा खातुनले गोल गर्दै बंगलादेशलाई ३-० को स्थितीमा पुर्रयाएकी थिईन् ।
समूह चरणका दुवै खेलमा जित निकालेको बंगलादेश ६ अंक सहित समूह विजेताको रुपमा सेमिफाईनल प्रवेश गरेको छ ।
समूह चरणको दुवै खेलमा पराजित हुदै पाकिस्तान प्रतियोगिताबाट बाहिरिएको छ ।
नेपालले पहिलो खेलमा पाकिस्तानलाई ४ - ० ले हराएको थियो । बंगलादेशले भने पाकिस्तानलाई १४ - ० ले हराएको थियो ।
