एजेन्सी । स्ट्राईकर क्रिस्टियानो रोनाल्डोले युभेन्ट्सकालागि डेब्यु खेलमा गोल गरेका छन् ।
पोर्चुगिज स्टार रोनाल्डोले युभेन्ट्सको बी टिमविरुद्ध खेलिएको मैत्रिपुर्ण खेलमा सातौ मिनेटमा गोल गरेका थिए ।
परम्परागत रुपमा नयाँ सिजन सुरु हुनु अघि खेलिने मैत्रिपुर्ण खेलमा युभेन्ट्सको सिनियर टिमले ५–० को जित निकालेको थियो ।
विश्वकप लगत्तै स्पेनिस महारथी रियल मड्रिडबाट रोनाल्डोले युभेन्ट्स जाने निर्णय गरेका थिए ।
रोनाल्डोलाई क्लबले आईतबारको खेलमा सार्वजनीक गर्दै मैत्रिपुर्ण खेल खेलाएको थियो ।
फेडेरिको बेर्नार्डेस्कीको लामो पासमा अफसाईट विट गर्दै रोनाल्डोले गोल गरेका थिए ।
दोस्रो गोलमा समेत उनले भुमिका खेले । रोनाल्डोबाट बल नियन्त्रणमा लिने क्रममा रिकार्डो कापिलिनीले आफ्नै पोस्टमा बल छिराएका थिए ।
नयाँ सिजनकालागि युभेन्ट्समा जोडिएका इम्रे च्यान र लियोनार्दो बोनुची समेत युभेन्ट्सको स्टेडियममा अभ्यास खेलमा देखिएका थिए ।
रोनाल्डोसंगै अग्रपङ्तीमा पाउलो ड्यावाला र डगलस कोस्टा रहेका थिए ।
-1734879364.jpg)
-1734875597.jpg)
